MHTCET राहिलेल्या दिवसात अभ्यासाचे नियोजन करून मार्क कसे वाढवायचे?

MHTCET तारखा घोषित झाल्या आणि विद्यार्थ्यांना अभ्यास करण्यासाठी वेळ कमी पडू लागला. विद्यार्थी-पालकांची धाक-धुक वाढली. MHTCET मध्ये जास्त मार्क्स मिळवण्यासाठी काय केले पाहिजे हा सर्वच विद्यार्थी आणि पालकांना प्रश्न पडला.

कोणतेही काम असो, त्यात यश संपादन करायचे असेल तर उत्तम नियोजन, कष्ट, नियमितपणा या शिवाय पर्याय नाही. मानसिक, शारीरिक स्वास्थ्य देखील नीट ठेवणे हे देखील तितकेच महत्वाचे आहे.

वेळ कमी राहिला आहे, मार्क्स जास्त मिळवायचे आहे त्याकरिता सर्वात प्रथम सर्व विद्यार्थ्यांचे अनेकदा Physics, Chemistry, Mathematics, Biology ज्याचा त्याचा जो तो ग्रुप अनेकदा वाचून झाला असावा. जेवढ्या जास्त तुमच्या वाचण्याच्या उजळण्या झाल्या असतील तेवढा तुमचा आत्मविश्वास हा नक्कीच वाढलेला असेल.

MHTCET जुन्या प्रश्नपत्रिका घ्या आणि त्या दररोज एक-दोन वेळ लावून सोडवून पहा. स्वतः उत्तर तपासून किती मार्क्स मिळताय ते पहा, यातून तुम्हाला आत्मविश्वास निर्माण होईल. यात कोणता प्रश्न कसा सोडवला, त्याकरिता कोणती पद्धत वापरली, त्यापेक्षा कमी वेळाची पद्धत वापरून प्रश्न सोडवता येतील का हे पडताळून पहा त्यातून वाचणारा वेळ इतर प्रश्न सोडवण्यासाठी वापरला जाऊ शकतो त्यातून MHTCET Score केला जाऊ शकतो.

जे प्रश्न चुकले त्या घटकांची यादी तयार करा, ते घटक सोपे, मध्यम, अवघड कोणते हे ओळखून त्यातील कोणते घटक कमी वेळात अभ्यास करून मार्क वाढवू शकता त्या घटकांचा वेळेचे नियोजन करून अभ्यास करावा. म्हणजेच त्यावरील प्रश्न आले तर मार्क मिळविण्यासाठी मदत होईल. पेपर सोडवताना कोणत्या चुका झाल्या ते पहा आणि त्या चुकांमध्ये सुधारणा करा त्यातून पण सरावामुळे पुढे त्यापद्धतीच्या चुका कमी होण्यास मदत होऊन MHTCET मार्क्स वाढण्यास मदत होईल. आणि आपले पाऊले यशाच्या शिखराकडे जाण्याची मार्गाने पडतील. कोणताही तणाव न घेता हसत खेळत अभ्यास करा.